CURRUS Olympici

CURRUS Olympici

quadriiuges fuêre: et quidem etsi in omnibus ludis omnis generis spectacula edebantur, tamen ludorum Olympicorum quadrigae fuêre propriae. Olympiae inquam, quod ibi tantum ludos actos esse, non Elide, firmat Strabo, l. 8. contra id, quod disertim ab Hygino traditum est, Elide, Peloponnesi urbe, certamina quadrigarum primum fuisse instituta. Meminit huiusmodi Curruum Virg. l. 3. Georgic. v. 18.

Illi victor ego, et Tyrio conspectus in ostro

Centum quadriiugos agitabo ad flumina currus.

Et Statius, l. 6. Thebaid. v. 368.

Haud procul Herculeam Nemeen clamore reductus

Aspicit, atque illic ingens certaminis instar

Quadriiugi ---- ----

Quem proin Quadrigarum surorem Tertullianus alicubi vocat. At quanto magis insaniit Nero, quem Suetonius memorat Olympiis aurigâsse curru decemiugi, c. 24. Dicebantur autem hi Currus propriô vocabulô Α῾μιλλητήρια, cum bellici πολεμιςτήρια appellarentur: eratque ingens quoque eorum celebritas. Cuiusinodi inprimis ille fuit, quem Argis Alcibiades emit, qua dere, inquit Plut. in eo, exstat oratio Isocrutis etc. Itaque cum equos legimus victores, quadrigarios accipimus, ἀγωνιςτὰς ἵπωους, quos Poetae vocant ἀεθλοφόρους, certamini destinatos, ac tandem praemiis donatos. Apud Strabonem, l. 8.

Τῷ Νηλεῖ χρεῖος μέγ᾿ ὁφείλετ᾿ εν Η῎λιδι δίῃ

Τεςςμρες ἀεθλοφόροι ἵπποι ----

Neleo multum debetis in Elide dia

Certantes quatuor pulli --- --

Sed hac de re passim hîc, vide inprimis supra ubi de more ad Currum iungendi equos, et plura apud Car. Paschal. Coronar. l. 6. c. 15. et Salmas. ad Solin.